AF268: 53v

hemān ol gėce bir qoldan ol daḫı meteris qurub seḥerden bilā‑tevaqquf aʿdā başlarına belā ṭopların ve ʿaẕāb āteşlerin atub // ve münāsib olan maḥallerden ṭopraq sürilmege mübāşeret olınub düstūr‑i aʿẓam müşīr‑i encüm seʿādetlü vezīr‑i aʿẓam İbrāhīm Paşa // ve sāyir vüzerā‑yi Āṣaf‑rāy leyl ü nehār meterislerde ṭaş yaṣdanub ve ṭopraq döşenüb her birisi dīn‑i mübīn // ve ḫalīfe‑i rūy‑i zemīn uġurında cān u başlarıyla ve māllarıyla var maqdūrların ṣarf u beẕl ėdüb lākin qalʿenüñ // ḥandaqları [!] ol mertebede vāsiʿ ü ʿamīq ve der ü dīvārı ol derecede qavī ve muʿayyendür ki ne ḥandaqlar [!] ṭopraq ile // ṭolmaġa imkān ve ne dīvārı ṭop ile hedm olmaġa dermān vardur ʿāqibet cā‑be‑cā laġımlar qazılub ve nice yüz qanṭār // barutlar qonılub merḥūmeyn ü maġfūreyn Aḥmed Paşa ve Meḥemmed Paşa raḥimehümā llāhu taʿālā sābıqan Egriʾi muḥāṣara ėdüb // ḥavālesinden dökdükleri maḥallde otuz ṭoquz yıldan berü leyl ü nehār bināsına ve istiḥkāmına saʿy eyledükleri ġ‑ç [?] // qalʿesi dėmekle maʿrūf ve nefs‑i emrde bi‑l‑fiʿl [...] [?] ʿasākiri żabṭında olan qalʿeye iki yėrden laġımlar vėrilüb // ve seḥerden yürişdür dėyü ʿaskere nidā vü tenbīh olmış‑iken ʿasākirdür cemʿ olub laġımdan bī‑ḫaber olub ol ḥīnde // atılacaġı maʿlūm olmayub her kes ġāfil müntaẓir‑i yürüyiş iken laġımdur atılub hevādan inen ṭaşlardan niçe ʿasākir // şehīd ve niçeleri mecrūḥ olub ve laġım‑i āḫar vardur dėyü ol ānda yürişe mecāl muḥāl olub ʿasker fāriġü l‑bāl // kimi meterislerde seyr ü ārām ve kimi ḥaymelerine [!] gitmege iqdām ėtmiş‑iken teʿaddī‑yi ilāhī qalʿe‑i mezbūrda küffār‑i ḥāksāruñ bir miqdār // barutı ṭutışub laġım‑i āḫar atıldı dėyü qıyāsen yürişdür dėyü qudretden bir ṣadā peydā olur şekle/i [?] olduqda // ḥażret‑i Ḥabīb‑i ekrem ṣallā llāhu taʿālā ʿaleyhi ve‑sellem ḥażretlerinüñ ʿilm‑i şerīfleri ve yanında mevcūd bulınan sādāt u aḫyār // u meşāyiḫ‑i kibār ḥarekete gelüb bi‑fażli llāhi taʿālā yürüyiş ve qalʿeye duḫūl müyesser olub egerçi ṭarafeynden nice zemān // ṣāʿiqavār bī‑amān ṭoplar ve tüfengler atılub ve tīr‑i bārān qumbaralar ve ṭaşlar ṣaçılub vaʿdesi gelenler şerbet‑i niʿmet‑i şehādet ile // behre‑mend ve bāqī ḥayātı olanlar ġazā s̱evābıyla sūd‑mend olub cenāb‑i kār‑sāz u fettāḥ‑i bende‑nevāz meded‑resān olub bir sāʿatde gedik // başları lāşe‑i küffār ile memlū ve qalʿenüñ içi küşte‑i ḥāksār [!] ile ṭopṭolu olub baqīyetü s‑süyūf olanları qalʿe‑i ʿatīq ki // aṣl‑i qadīmi Egridür aña cān atub rūz‑i pīrūz‑i mezbūr ki māh‑i Ṣafaru l‑muẓafferüñ on birinci günidür ẕikr olınan ġ-ç [?] qalʿesi bi‑ʿināyeti llāhi taʿālā // qabża‑i tesḫīre getürilüb żabṭ u rabṭ olınub melāʿīn‑i bī‑dīn maḥṣūr olduqları qalʿeden müceddeden cenge āheng ėdüb ol gėce // yeñiçeriler aġası ve baʿżı begler begiler qalʿe ḥıfẓında ve ḥirāsetinde olub ve eṭrāf u eknāf muḥkem qaravollar çıqarılub ėrtesi cümle meterisler // qalʿe‑i mezbūreye ḥavāle olınub her ṭarafdan muḥkem dögülmege başlanub gedükler raḥne [!] gösterdükçe aradan bārī ile yaġmur bir mertebede // yaġdı‑ki balçıqdan aṣlā yürişe ayaq pāy‑dār olmaġa mecāl vėrmeyüb gėrü ʿasākir‑i islām pādişāh‑i ẓafer‑encām ḥażretlerinüñ uġur‑i hümāyūnında // bārān ve balçıġa baqmayub gāh laġıma ve gāh yürişe iqdām ve leyl ü nehār amān vėrmeyüb ṭoplarla dögülmege ihtimām olunmaġla küffār‑i ḥāksār [!] // bī‑dermān u nā‑çār qalub el‑amān dėyü vay çaġırub amān ṭaleb ü ricā eyledükde ibtihāl ü tażarruʿları pāye‑i serīr‑i ʿadālet‑maṣīre // ʿarż olunduqda ʿādet‑i qadīme‑i merḥamet‑i ḫusrevānī mūcibince ʿinād‑i baġī ve ʿadāvetlerine ʿavāṭıf‑i ʿalīye‑i ḥāqānīden [!] raqam‑i ʿafv çekilüb // ol gün iki nefer begleri ve bir qaç nefer beg‑zādeleri rehn alınub ve anlara bedel Ṣolnoq sancaġı begi Begtaş Beg qalʿe içine